الأربعاء، 26 سبتمبر 2012

إذا خالفت الخاله حد السرعه



Description:
cid:18BFBBF655ED46F3932FB718C9F149BA@maristl3mdcxry

اوقف رجل المرور إمرأة بالغه(يعني فوق 70)تقود السيارة بسرعة زائده

   المرأه :  فيه مشكله يا عسكري ؟  رجل المرور : انتي مسرعة يا سيدتي (بالقصيمي يا خاله) بزياده  

المرأه : اييييه ,, كذا يعني ؟ 
رجل المرور :  الرخصه يا مره؟
المرأه : لو عندي اعطيتك اياه بس ما عندي رخصه 
رجل المرور(مستغرب): ما عندك ؟
المرأه : فقدتها قبل 4 سنين بسبب السياقة تحت تأثير شرب حليب الخلفات  
رجل المرور : بأااا تسذا , طيب ,, عطين الإستماره , لا هنتي  
المرأه : ما اقدر اعطيك إياه  
رجل المرور : ليش؟
المرأه : لأني سارقتن السياره 
رجل المرور : سارقته؟ 
المرأه : إيه , سارقته, وذبحت صاحبها وقطعته 
رجل المرور : (مرتعب) وش سويتي؟
المرأه : جثته بكيس بلاستك بالشنطه , إذا تبي تشوفه  
ناظر رجل المرور المرأه وتراجع بشويش إلى سيارته , وطلب الدعم من ربعه .. وبخمس دقايق كان عنده 5 سيارات
شرطه تحاصر سيارة المرأه .. نزل ضابط وقرب من سيارة المرأه شاهرا سلاحه
الضابط : سيدتي (بالقصيمي يا خاله) ممكن تنزلين من السياره؟ 
 نزلت المرأة من  سيارته  
المرأه : وش المشكله؟
الضابط : واحد من ضباطي قال إنك سرقتي هالسياره وذبحتي راعيها
المرأه : ذبحت راعيها ؟
الضابط : نعم , ممكن تفتحين شنطة سيارتك لا هنتي ؟
فتحت المرأة اشنطه وكانت فارغة ولا شيء فيها
الضابط : هل هذي سيارتك يا خاله ؟
المرأه : نعم , وهذي إستمارتها واوراقها 
إنصدم الضابط بالوضع
الضابط : يقول واحد من ضباطي إن ما عندك رخصة سواقه  
طلعت المرأة محفظة الرخصه من شنطتها واعطتها الضابط .. وبعد ما تفحص الرخصه وتأكد , تاه تفكيره 
الضابط : شكرا يا خاله , بس واحد من ضباطي قال إن ما عندك رخصه , وإنك سارقتن السياره وإنك ذبحتي راعيها وقطعتيه
المرأه : أراهنك إن هالتسذوب (الكذاب) قال لك بعد إني مسرعه بزياده


والخاتمه : إن كيد (بعضهن) عظيم 

ليست هناك تعليقات:

إرسال تعليق